SIDEE KU GALI KARAA GOOGLE RANK?

Inkastoo ay tahay howl u baahan shaqo badan iyo soojeed badan, hadana aad bay suurtagal u tahay in aad ka gungaarto

SIDEE KU GALI KARAA GOOGLE RANK?

Inkasta oo ay tahay howl u baahan shaqo isdabajoog ah iyo soojeed badan, hadana aad bay suurtagal u tahay in aad ka gungaarto. Waxaa aad muhiim u ah in aad la jaanqaadi karto habraacyada Google iyo jaalkeed. Si aad ula saanqaaddo Google, waxaa mudnaanta koowaad leh waxa loo yaqaan SEO (Search Engine Optimization), hadaba.

Waa maxay SEO (Search Engine Optimization)

SEO waa erayo lasoo gaabiyay oo ah Search Engine Optimization, kaas oo ah habraac lagu hormariyo websiteka si looga helo internetka.

SEO waxay mudnaanta siisaa diiraddana saartaa sidii uu websiteku uga soo muuqan lahaa bogagga hore ee Google iyo Bing. Markasta oo websiteku kasoo muuqdo bogga hore, waa markasta oo ay kororto booqashada websiteka.

 

Haddii websiteku booqashadiisu kororto, waxaa sidoo kale kordhaya macmiilka ku xiran ganacsigaaga ama hay'addaada. Sidoo kale waxaa kordhaya la falgalka macmiilka.

 

In kabadan 3.5 bilyan oo baaritaan ah ayaa laga sameeyaa google maalin kasta. Google waxay haysataa 85% saamiga mashinada baaritaanka dhanka internetka, gaar ahaan Desktopka.

Qof kastaa wuxuu jecel yahay in laga arko dhanka internetka ganacsiga uu wado, adeegyada uu bixiyo, hay’ad uu maamulo ama shaqsi ahaan ba.

 

Google waxa ay leedahay wax loo yaqaanno Google's ranking algorithm, oo ah tab iyo xeelad ay ku kala soocdo websiteyada, waa hubanti in aan 100% lagu guulaysan Karin, laakiin, Waxaa jira ilaa 250 waxyaabood oo saameyn taban ku leh in websideku ka soo muuqan waayo internetka. Ama Rank-gaaga uu hoos u dhaco. Waxaa ka mid ah:

• Website Architecture
• Domain Security
• Inbound Links
• Topic Authority
• Keyword Intent
• Meta Tags
• Title Tag
• Image Alt Text
• Meta Description
• Page Speed

Intaas iyo in ka badan ayaa lagaa rabaa si aad ugu guulaysato Google Rank.

Waxaan soo dhaweynaynaa aragtidiina maqaalkan gaaban, sidoo kale, waxaad na soo waydiin kartaa su’aalo la xiriira Suuqgaynta Casriga ah (Digital Marketing)

 

Mahadsanidiin.

 

Fadlan noogu soo hagaaji su'aalahaaga:

E-mail: info@sodmac.so

SODMAC Digital Marketing

website: www.sodmac.so

telfoon:  0615240102

WAA MAXAY SUUQGEYNTA BARAHA BULSHADA

Suuqgaynta Baraha Bulshada waa hab cusub oo kusoo kordhay hababkii hore ee Suuqgeynta loo samayn jiray.  

𝗪𝗮𝗮 𝗺𝗮𝘅𝗮𝘆 𝗦𝘂𝘂𝗾𝗴𝗮𝘆𝗻𝘁𝗮 𝗕𝗮𝗿𝗮𝗵𝗮 𝗕𝘂𝗹𝘀𝗵𝗮𝗱𝗮

Suuqgaynta Baraha Bulshada waa hab cusub oo kusoo kordhay hababkii hore ee Suuqgeynta loo samayn jiray.  Waxaa la isticmaalayaa baro internetka ah, si loo dardargeliyo farriin,  alaab ama adeeg la suuqgaynayo si loo arki karo nooca iyo sifada alaabtaas.   

Baraha Bulshada iyo Suuqgaynta Baraha Bulshada

Isticmaalka Baraha Bulshada waa wax;  In Baraha Bulshada Suuqgeyn Lagu sameeyana waa wax kale!!.  Waxaa hubanti ah in inta badan dhalinyarada ama dhalinyarada cuslaatay!! ay garanayaan isticmaalka baraha bulshada,  Ugu yaraan inay akhrisan karaan Postiyada, bixin karaan Faallooyin ama ay lawadaagi karaan asxaabtooda waxyabaha cajabgaliyay ee ay ku arkeen baraha bulshada.

Taas macnaheedu maaha in ay garanayaan sida alaabada ama adeegyada loogu suuqgeeyo internetka.  Waa arrin u baahan taatiko iyo farsamooyin dheeraad ah, xitaa khubaro dhanka suuqgaynta ah ayaa mararka qaarkood ku  kadsooma!  Maxaayeelay cilmiga ay u leeyihin suuqgeynta soo jireenka ah (traditional marketing) ayaa marnaba la jaan qaadi Karin habkan cusub ee la adeegsanayo internenka sida Facebook, Twitter ama Instagram.

Xalku waa in waqti loo huro barashada iyo baraktikada sida baraha bulshada suuqgayn loogu sameeyo. Si aad natiijooyin la taaban karo u gaarto, waxaa lagaaga baahan yahay inaad qorshayso, iskudubbariddo oo aad agaasinto “YUMMY YUMMY CONTENTS” Waxyaabo xiisa leh oo misana faa’iido leh, Joogto ah oo xusuus reebi kara.

5 Sababood oo ay muhiim u tahay Suuqgaynta Baraha Bulshada

• Waa Baro baaxad leh

Facebook, waa barta ugu weyn, waxaa isticmaala in kabadan Laba Billyan oo qof dunida oo dhan, LinkedIn  460 million oo qof.  Maalin kasta ku dhawaad 1 billyan oo saacadood oo muuqaallo ah ayaa laga daawadaa Youtube

• Macmiilkaagu wuxuu isticmaalaa Baraha Bulshada

Inta badan waxaa la isticmaalaa facebook, dhallinyaro iyo waayeel, ganacsatada yaryar iyo kuwa waa weyn. Ka kaluumeyso halka uu kalluunku yaal . Macmiilkaaga ayaad si fudud ula falgali kartaa, u gaari kartaa oo aad u qiimayn kartaa.

• Waa bilaash

Facebook, Yelp, Snapchat, YouTube, Instagram, Pinterest... dhammaantood , dabcan, waa bilaash isticmaalkooda free to use. Dadku aad bay u jecel yihiin, maxaayeelay waxay jecel yihiin “bilaashka!!” Waxay si fudud ula xiriiri karaan qaraabadooda, saaxiibadood,  sidoo kale waxay si degdeg ah ku heli karaan macluumaad iyo shirkado ay jecel yihiin

• Qaybta xayaysiis (ads).

Ka sakow inay jiri karaan macmiil si taban ula falgala xayaysiiska, hadana waxaa sidoo kale jira macmiil si togan ula falgala.  Xayaysiiska ay sameeyaan shirkadahani (Social Media Platforms), waxay boqolkiiba 80% ka saamey badan yihiin Xayaysiiska Radiyaha ama Taleefishinka. Waxaad dooran kartaa dadka aad doonayso inay gaarto farriintaadu, (Da’ ahaan, deegaan ahaan iyo dooq ahaanba). Sidii kale waxaad Falanqayn kartaa natiijada kasoo baxda ol’olaha xayaysiiska aad samaysan iyo inaad dhalisay goolkii aad rabtay.

MAXAA BADALI DOONA XAYAYSIISKA RAADIYAHA?

Taariikh Kooban Oo Raadiya Ku Saabsan

Dhamaadkii qarnigii 18aad, Guglielmo Marcon oo ahaa injineer Talyaani ah oo dhanka danabka ah (Electrical engineer) ayaa hindisay Raadiyaha.  Maalinba maalinta ka dambaysay,  waxaa kobcayay aqoonta iyo ogaalka raadiyaha, mowjado hirar kala duwan ka dananayay ayaa iska soo dabadhacayay - mawjad-gaaban, mawjad-dhexe iyo mawjad-dheerba waa lawada  adeegsaday, si loo gaarsiiyo raadiyaha dhageystayaal badan oo adduunka dacalladiisa kala jooga.

Soomaaliya waxaa uu raadiyaha soo gaaray 1943-dii, waxaana  markii ugu horeysay la maqlay radio Hargeisa, radio Muqdishu ayaa xigay 1951-dii, dalkeena ayaa xilligaas ku jirtay gacanta gumeystaha Ingiriiska iyo Talyaaniga. Laanta Soomaaliga ee BBC ayaa xigtay, waxa ay shaqada bilawday 18-kii Luuliyo, 1957-kii.

Bilowgii Suuqgaynta Raadiyaha Iyo Tvga

90 sano muddo haatan laga jooga ayaa la wariyey iidhehdii ugu horeysay ee Raadiye ka baxday adduunka!  Muddadii itaas u dhaxeysay waxaa aad isu soo tarayay adeegsiga iidhehda si loo baahiyo badeecadaha suuqa yaala islamarkaasna la isugu xiro macmiilka iyo beecmushtarka.

Daldaloolooyin Kasoo Baxay Iidhehda Raadiyaha

Daldaloolooyin ayaa kasoo baxay iidhehda Raadiyaha,  waxaa ka mid ah:

• Waa maqal oo kaliya
• Waa qaali iidhehdu  
• Aalaaba lama dhageysto xayaysiiska!
• Waxay u baahan tahay ku celcelis badan
• Waa farriin cimri gaaban
• Macmiilku toos ulama falgali karo

 

 BBC Somali oo Xitray Idaacadda Caawa iyo Caalamka.

 

Wixii Cusub Caalamkaa Jecel!!

Kacaan cusub oo dhanka  tegnolojiyada ah ayaa curtay, adduunkii ayaa tuulo noqday, ganacsigii, waxbarashadii, madadaaladii iyo dhammaan noloshii ayaa online-ka uguuraya.   4.5 bilyan oo qof ayaa online ah maanta, tirada guud ee dadka adduunka na waxaa lagu qiyaasaa 7 bilyan, bal qiyaas!!

Kharashaadka xayeysiinta raadiyaha caalamka ee Sanadaha u dhexeeya 2000-2022

Sanadkii 2019, kharashka ku baxay xayeysiinta loo adeegsado raadiyaha, ayaa adduunka oo dhan wuxuu ahaa 34.8 bilyan oo doolar. Saadaasha ayaa muujineysa in la arki doono koror yar oo ku yimaada maalgashiga xayeysiinta saddexda sano ee soo socota, oo la filayo inay gaarto 35.97 bilyan oo doolarka Mareykanka dhammaadka 2022.

 

Kharashaadka xayeysiinta internetka ee Sanadaha u dhexeeya 2000-2022

Taas waxaa barbar yaalla, qarashka ku baxay xayeysiinta internetka isla sanadka 2019 ayaa qiimaheedu ku kacay 106.5 bilyan oo doolarka mareykanka ah. Lacagtan ayaa la saadaalinayaa inay kororto  ilaa 132 bilyan oo doolarka Mareykanka ah marka la gaaro sanadka 2022. Arrintan ayaa ka dhigan in saamiga ugu badan ee xayeysiinta caalamka uu lahaan doono Internetka (Internet Advertising)

Isbarbardigga Suuqgeynta Hore Iyo Midda Casriga ah!

.................Dhamaad.............

NOOCYADA SUUQGEYNTA CASRIGA AH

Noocyada Suuqgeynta Casriga Ah (Search Engine Optimization (SEO)

Inkastoo ay jiraan in ka badan 25 nooc oo suuqgeyn Digital ah, hadana waxaan si kooban u qaadaadhigaynaa qaybaha ugu muhiimsan ee la isticmalo, waxaana ka mid ah:

• Search Engine Optimization (SEO) ...
• Social Media Marketing (SMM) ...
• Content Marketing. ...
• Pay-Per-Click Advertising (PPC) ...
• Social Media Advertisements
• Google Advertising
• Email Marketing. ...
• Affiliate Marketing. ...
• Online Public Relations.

Waa maxay SEO ama Search Engine Optimization  

SEO ama Search Engine Optimization  waa farsamada iyo Sayniska kor loogu qaado website-ka, badeecada iyo adeegyada, si ay uga soo muuqdaan Google –ka adiga oon xayaysiis lacag ku bixin, sida Facebook Ads ama Google Ads midna!!

Tusaale haddii aad iibiso tigidhada dayaaradaha,  macmiil na uu ka raadiyo Google-ka, waxaa hubanti ah inuu ka arki doono adeegga aad bixiso bogga koowaad ee Google Search-ga, waa haddii aad nidaamkan si sax ah u isticmaasho.

Waa maxay qiimaha SEO ama Search Engine Optimization

Si fudud haddii loo dhigo, SEO qiimaha uu leeyahay waa in qof kastaa oo internetka wax ka raadinaya uu si sahlan uga baaro Google-ka ama baraha kale ee wax laga raadiyo sida Bing and Yahoo  ama kuwa la mid ka ah.  SEO kharaj kaaga bixi maayo! Marka laga reebo inaad aqoon u leedahay, waqti u hurto, dhidid iyo illin na ay kaaga dareeraan!!

Si kooban SEO, wa xayaysiis lacag la’aan ah ee Google-ka!  Ma wax ka wanaagsan bilaash ayaa jira!

Sidee SEO u shaqeeyaa 

Macmiil ayaa booqanaya Google-ka,  wuxuu arkayaa badeeco, adeeg ama shirkad cusub,  aalaaba macaamiishu way ka gudbaan iskana indhatiraan xayaysiiska (ads),  Waxay toos u abbaaraan oo ay gujiyaan sadarada aan xayeysiiska ahayn (organic listings)  ee kasoo muuqda bogga koowaad ee Google-ka, gaar ahaan saddexda sadar ee ugu saraysa!

• Waxaa halkaas ka billaabanaya booqashada website-kaaga.
• Kasoo muuqashada bogga hore ee Google, Macnahedu waa xayeysiis lacag la’aan ah!
• Xayeysiis lacag la’aan ah macnaheedu waa booqashada website-kaaga oo bata!
• Booqashada oo kugu badata waa dalabka oo kugu bata!
• Dalabka oo kugu bata waa dakhliga oo kuu bata!

Maqaallo kale ayaan aad ugu lafaguri doonnaa haddii alle idmo noocyada kale ee suuqgaynta casriga ah.

10 KA QODOB EE WEBSIDEKU KU GALI KARO GOOGLE RANK!! QAYBTA 1-AAD

Qaybta 1-aad

Google Rank,  waa kasoo muuqashada bogga hore ee Google Search.   Si aad u gasho Google Rank, waxaa lagama maarmaan ah inaad raacdo tilmaamaha iyo qawaacidda SEO oo u taagan search engine optimization, taas oo ah cilmiga iyo farsamada lagu galo kaalimaha hore ee Xogbaarayaasha (search engines ) sida Google ama Bing si loo helo dadka ugu badan ee websiteka soo booqda!

Waa hubaal in aadan dhammaantood dabaqi karin, laakiin isku day inaad dabaqdo illaa xad!

Haddii uu kugu cusub yahay Digital Marketing, waa suurtagal inaad ku fekerto in SEO yahay wax dhib badan oo aan la sameyn Karin.

Si kastaba, aad ha u welwelin. Waxaad u baahan tahay oo kaliya inaad maanka ku hayso qawacidan aan maqaalkan ku sharxi doonno, kuwaas oo kugu hagi doona inaad kaalmaha sare ka gasho xogbaarayaasha (search engines ).

Waa kuwan 10 qodob oo uu websidekaagu ku gali karo bogga hore ee google ka!!

 1. Qaanuunka Google (Google algorithm)

Mar kasta raac qawaaniinta Xogbaarayaasha (search engines)

Wax sahlan ma aha in la raaco qaanuun, waa suurtagal inaad mar mar jabiso xeerka, waxaase habboon inaad ilaaliso si aad ku guuleysato tartanka adag ee aad ku jirto.

Haddii aad isleedahay isticmaal xeelado aan sharci ahayn si aad ugasho kaalmaha hore, waxay u badan tahay in uu Google ku helo, dabadeed na lagugu soo rogo ciqaab   (algorithmic penalty)

Ciqaabta ugu culus waa in macluumaadka websitekaaga laga saaro dhammaan xogbaaraha Google!! (Google search engine)

Halkan ayaad ka eegi kartaa in websidekaagu ciqaabtaas ku dhacday iyo in kale.

 2. Website ammaan leh  ( A Secure Website -HTTPS)

Sida ku cad faafinta rasmiga ah ee Google bishii Agoosto 2014,  ayay ku sheegeen in ammaanka websiteka uu ka mid yahay waxyaaba ay mudnaanta siinayaan marka laga hadlayo Google Rank.  Haddii uu websitekaagu yahay mid ammaan ah,  waxaa ay arrintaasi ka qayb qaadanaysaa in websitekaagu kasoo muuqdo bogga hore ee Google.

Haddii aad leedahay website aan amaan ahayn, waxaa suuragal ah inaad hesho farriin digniin ah oo ka socota Google Search Console.

In kasta oo ay waxaas oo dhami jiraan, hadana, HTTPS weli waa cunsur miisaan ku leh google Rank.

 3. Website xawaare sare leh (Including Mobile Page Speed)

Websiteyada leh xawaaraha gaaban, waxaa aad u yaraanaya fursaddii ay uga soo muuqan lahaayeen Rank-ga.

Haddii websitekaaga marka laga isticmaalayo computerka uu xawaarihiisu sareeyo,  balse isticmaalka mobileka uu xawaare gaaban yahay, weli si buuxda uma aadan guuleysan!!

Xawaaraha sare cabirkiisu waa 90-100 darajo,  kan dhex dhexaad ka ah waa 50-89 darajo, halka kan liita  uu yahay 0-49 darajo!!

Tijaabi Xawaaraha Websitekaaga

 4. Website mobile ku shaqeeya (Mobile Friendliness)

Dadka internetka xogta ka baara,  65% waxay isticmaalaan Mobile (Smartphone). Haddii websitekaaga markii la naqshadeynayay aan loogu tala galin in uu shaashadda mobileka ku shaqeeyo, kama soo muuqan doono Google Rank, maxaayeelay arrintan waxay ka mid tahay arrimaha kaga eego websiteyada, si ay Rank u galaan.

Halkan ka tijaabi in uu websitekaagu mobile ku shaqeeyo iyo in kale!

 5. Erayada Mudnaanta leh (Keywords)

Ku dar maqaaladaada iyo Muuqaalada aad baahinayso erayada ay dadku xogbaarayaan (Ku qorayaan Google Search ka). In aadan ku fekerin adeegsiga erayada ay dadku xogbaaraan ayaa sabab u noqon karta in lagaa waayo fagaaraha xogbaaraha Google ama aad gali wayso boggaga hore ee xogbaarayaasha.

Waxaa jira farsamooyin iyo imkaaniyaad loo isticmaalo helidda erayada ay dadku ka xogbaaraan Google.

Qaybta 2-aad ee maqaalkeena, waxaan uga hadli donna haddii uu eebbe idmo:

1. Xogta websiteka ku jirta  (Content is King)
2. Linkiyo kuugu xiriirsan websiteyo kale (Backlinks)
3. Linkiyo kuugu xiriirsan baraha bulshada (Social Signals)
4. Qanacsanaanta adeegsadaha websitekaaga (User Experience)
5. Da’da domainka websiteka (Domain age)

 

Lasoco qaybta 2-aad.

10 KA QODOB EE WEBSIDEKU KU GALI KARO GOOGLE RANK!! QAYBTA 2-AAD

10 KA QODOB EE WEBSIDEKU KU GALI KARO GOOGLE RANK!!

WQ: ENG. SAYYID ALI GAABANE

CEO, SODMAC DIGITAL MARKETING

Qaybta 2-aad ee maqaalkeena, waxaan kusoo qaadanaynaa

1.      Xogta  websiteka ku jirta  (Content is King)

Waxaa la yiraahdaa “Content is King”, taas macnaheedu waa in aad mudnaan gaar ah siisaa xogta aad galinayso websiteka.  Haddii aadan abuurin maqaallo, muuqaalo, maqal iyo sawirro soo jiidasho leh, farshaxan leh,  xambaarsan macluumaad qiima u leh dadka islamarkaasna joogto ah,  wax macne ah samaynmaayo websitekaaga.

Waa adigoo dad martiqaaday, hadana aan u hayn madadaalo iyo cunto ay cunaan. Websiteka Madadaaladisa (Madadaaladiisa) iyo cuntadiisu waa macluumaadka iyo murtida ku jirta!!

Markasta oo xogta websiteka ku jirta ay badan tahay;  waa mar kasta oo websitekaagu gali karo bogga koobaad ee Googlka (Googleka).

2.     Linkiyo kuugu xiriirsan websiteyo kale (Backlinks)

Backlinks waa mid kamid ah waxyaabaha ay qiimeeyaan xogbaarayaasha rank gareeya websiteyada. Markasta oo linkiyo kuugu xiran yihiin websiteyo kale ee aad bahwadaag tihiin; waaa markasta oo websitekaagu fursad u helo in uu kor kasoo muuqdo.

Ma ogtahay in ay jiraan Backlinks wanaagsan iyo kuwo aan wanaagsanayn!! Tusaale, haddii websitekaagu ku xiriirsan yahay websiteyada aadka loo booqdo, waxaad helaysaa backlinks heer sare ah oo soo jiita Google.  Balse haddii aad ku xiriirsato kuwo ku cusub internetka, uma shaqayn doonaan sida kan hore.

Isku day inaad geeddisocodkan bilowdo, raadi websiteyo dadku aad u booqdaan ama caan ah, ku xiriirso websitekaaga adiga oo isticmaalaya (backlink building strategy)

3.     Linkiyo kuugu xiriirsan baraha bulshada (Social Signals)

Social Signals waa falcelinta dadka ee baraha bulshadaada, sida: Like, Comment ama Share. Taasi waxay farriin u diraysaa Google,  kadib maxaa dhacaya.

Google waxay aqoonsanaysaa shirkadda leh barta bulsho ee ay farriimuhu kasoo dhacayaan iyo websiteka ku xiriirsan.

Si ay u badato Like, Comment ama Share, waa inaad barahaaga bulshada markasta ku daabacdaa maqaallo iyo muuqaalo xiisa leh oo dadka soo jiita.

4.       Martida websitekaaga waxa ay la kulmeen (User Experience)

Google waxay aad u tixgalisaa dadka qanciya martida soo booqanaya websitekooda. User Experience waa waxa ay kala kulmaan iyo qanacsanaanta martida soo booqanaysa websitekaaga.  Websitekaagu ma yahay:

·        Website muuqaal soojiidasho leh

·        Website  nidaamsan naqshad ahaan

·        Website xambaarsan macluumaad qiima u leh dadka

·        Website been iyo borobagaando aan lahayn

·        Website aysan ku badnayn farriimaha soo boodada ah (Pop Ups)

·        Website xawaare sare leh

·        Website Maalin kasta 24 saac hawada ku jira

·        Website isticmaalkiisu fudud yahay

5.     Da’da domainka websiteka  (Domain age)

Ma ogtahay in 60% websiteyada kaalimaha hore ka galay xogbaaraha Google (Search Engine) ay yihiin weybsiteyada ay da’doodu ka weyn tahay 3 sano. Haddii Domainku (Ciwaanka Websiteka) uu hawada ku jiray muddo la eg ama ka badan 3 sano,  Waa ifafaalo wanaagsan oo fursad kuu siin kara inuu kor usoo kaco.

WAA MAXAY DIGITAL MARKETING (SUUQGEYNTA CASRIGA AH.)

Macnaha ugu sahlan ee lagu fasiri karo Suuqgeynta Casriga ah (Digital Marketing),  Waa in la suuqgeeyo badeecadda, adeegyada iyo sumadda shirkadda (Brand Name),  iyada  oo la adeegsanayo fagaarayaasha elegtaroonikada sida; Baraha Bulshada, Websiteyada, Google-ka, iyo wax allaale wixii internet ku shaqeeya.

Suuqgeynta Casriga ah, mararka qaarkood waxaa loo yaqaan:

·         Online Marketing,

·         Internet Marketing ama

·         Web Marketing. 

Dhammaan eraybixinnadaasu waa kuwo isku macne dhaw, asse dadku siyaabo kale duwan u adeegsadaan. Waxaase aad u kala duwan Online Marketing iyo Online Market, oo midna uu yahay suuqgeynta badeecadda iyo adeegyada lagu suuqgeeyo shabakadda internetka;  halka midka kale uu yahay suuq si online ah wax looga iibsado.

FARAQA U DHEXEEYA XAYAYSIISKA CAADIGA AH (TRADITIONAL MARKETING) IYO SUUQGEYNTA CASRIGA AH (DIGITAL MARKETING).

Waa dhab in Xayaysiiska iyo Suuqgeyta Casriga ahi labadaba noqon karaan erayo uu xiriir ka dhexeeyo. Suuqgeeyayaal bada ayaa sidaas u haysta. Balse, waxaa hubaal ah in uu jiro faraq weyn oo u dhexeeya waxaana ka mid ah:

Xayaysiiska caadiga ah waa offline, oo loola jeedo in uu yahay nidaam aan internetka ku shaqayn. Halka suuqgeynta casriga ah yahay online oo ay macnaheedu tahay in nidaamkani yahay nidaam internetka ku shaqeeya.

Xayaysiiska caadiga ah, waa iidhehda laga sii daayo Radiyada ama Taleefishinka ama lagu daabaco Wargeysyada ama Yello Pages-ka, Halka suuqgeynta casriga ahi farriimaha suuqgeyneed la isugu gudbiyo Internetka, Baraha Bulshada iyo Mareegaha gaarka loo lee yahay.

Xayaysiiska iyo suuqgeynta caadiga ah waa nidaam qadiim ah oo soojireen ah lana adeegsan jiray tan iyo markii ay dadku bilaabeen suuqgeyta. 

Inkastoo xayaysiiska caadiga ahi uu weli leeyahay faa’iidooyin u gaar ah sida: in shirkaddaada ama badeecaddaada ay ku battaan dadka dhagahooda ama araggooda,  ama si aad ah lagaaga barto magaalo gaar ah,  hadana waa nidaam duug ah oo qadiim ah oo suuqgeyneed.

Waa nidaam suuqgeyneed oo ku xaddidan hal deegaan iyo dad hal meel kuwada nool.  Waa nidaam kharaj badan oo ku kici kara miisaaniyad culus. Waa nidaam aan lahayn halbeeg lagu garan karo tirade dadka ay farriintu gaartay.

Dhanka kale, Suuqgeyta casriga ah waxaad gaarsiin kartaa farriintaada malaayiin dad ah oo daafaha adduunka ku kala nool, Waa nidaam leh halbeegyo aad ku cabiri karto yoolka aad lahayd iyo natiijada aad gaartay. Waa nidaam aad u qiima jaban una kharaj yar.  

Waa nidaam kuu sahlaya inaad la falgasho macaamiishaada si toos ah.

Waa nidaam aad ku kala dooran karto deegaano kala duwan (Geo-Marketing) si aad ugu soo bandhigto farriintaada ganacsi

NUUCYADA KALA DUWAN EE SUUQGEYNTA CASRIGA AH